Бугунги кунда дунёда жисмоний тарбия ва спорт соҳасининг инновацион жиҳатларини аниқлаш ва уларни қўллаб-қувватлаш асосида амалиётга тадбиқ этиш тенденцияси кузатилмоқда. Зеро, ривожланган мамлакатлар амалиётидан маълумки, жисмоний тарбия ва спорт муассасаларининг самарали фаолияти мамлакатнинг барқарор ижтимоий ва иқтисодий ривожланишга ижобий таъсир кўрсатади.
Шу сабабли, мамлакатда жисмоний тарбия ва спортни ривожлантиришга хизмат қилувчи муассасаларни молиявий барқарорлигини таъминлаш, уларнинг молиялаштириш имкониятларини кенгайтириш, фаолият самарадорлигини таъминловчи молиялаштириш моделлари ва механизмларини зарур элементлар билан тўлдириш орқали такомиллаштиришга бағишланган илмий тадқиқотларни амалга ошириш устувор долзарб аҳамият касб этади.
