МОНЕТАР СИЁСАТНИНГ ТИЖОРАТ БАНКЛАРИНИНГ РАҚОБАТБАРДОШЛИГИНИ ТАЪМИНЛАШДАГИ РОЛИНИ ОШИРИШНИНГ НАЗАРИЙ АСОСЛАРИ

Ф.Мишкиннинг фикрига кўра, Марказий банкнинг дисконт
кредитлари ва очиқ бозор операциялари тижорат банкларининг
ликвидлилигини таъминлашда муҳим ўрин тутади ва очиқ бозор
операциялари монетар сиёсатнинг бошқа инструментларига нисбатан
қуйидаги афзалликларга эга:
1. Очиқ бозор операциялари ҳажмини Марказий банк назорат қила
олади. Масалан, дисконт кредитларининг ҳажмини Марказий банк
тўғридан-тўғри назорат қила олмайди. Марказий банк дисконт ставкасини
ўзгартириш йўлибилан дисконт кредитларига нисбатан тижорат банклари
томонидан бўлган талабни ошириши ёки камайтириши мумкин.
2. Очиқ бозор операциялари мослашувчан ва аниқдир. Агар
захираларни ёки монетар базани сезиларсиз даражада ўзгартириш талаб
қилинса, кичик суммадаги қимматли қоғозни сотиб олиш ва сотиш йўли
билан бунга эришиш мумкин.